રોહિત શેટ્ટીનો બહુપ્રતિક્ષિત રિયાલિટી શો ખતરોં કે ખિલાડી 12 હવે થોડા દિવસોમાં શરૂ થવા જઈ રહ્યો છે. મેકર્સ દ્વારા શોના કલાકારોના નામ ફાઈનલ કરી દેવામાં આવ્યા છે. છેલ્લા 2-3 મહિનામાં ટીવી ઈન્ડસ્ટ્રીના તમામ કલાકારોના નામ આ શો સાથે જોડાયેલા છે. ખતરોં કે ખિલાડી 12ના નિર્માતાઓ આ શોને દરેક વખતે હિટ બનાવવાનો પૂરો પ્રયાસ કરે છે અને આ માટે તેઓ મોટા કલાકારોને મોટી રકમ આપવા પણ તૈયાર છે. જણાવી દઈએ કે આ શોમાં રૂબીના દિલાઈક, મુનાવર ફારૂકી, પ્રતિક સહજપાલ અને જન્નત ઝુબૈર સહિત ઘણા લોકોના નામ જોડવામાં આવ્યા હતા. પરંતુ હવે મેકર્સે આ શોના સ્પર્ધકોની અંતિમ યાદી તૈયાર કરી લીધી છે.
વાંચો: ગુજરાતઃ કોંગ્રેસને મોટો ફટકો, હાર્દિક પટેલે આપ્યું રાજીનામું.
ખતરોં કે ખિલાડી 12ના નિર્માતાઓએ આ વખતે ઘણા ટીવી કલાકારોના નામની પુષ્ટિ કરી છે. આ યાદીમાં પ્રતિક સહજપાલ (Pratik Sehajpal) સહિત શિવાંગી જોશી (Shivangi Joshi), અનેરી વજાની (Aneri Vajani), કનિકા માન(Kanika Maan), મોહિત મલિકના(Mohit Malik) નામ સામેલ છે. આટલું જ નહીં, આ શો માટે બિગ બોસ ફેમ રાજીવ આડતીયા (Rajeev Adatia), ચેતના પાંડે (Chetna Pandey), તુષાર કાલિયા (Tushar Kalia), નિશાંત ભટ્ટ (Nishant Bhatt), સૃતિ ઝા, રૂબિના દિલાઈક (Rubina Dilaik), ફૈઝલ શેખ (Faisal Sheikh) અને એરિકા પેકાર્ડ (Erica Packard)ના નામની પણ પુષ્ટિ થઈ ગઈ છે.
અહીં શૂટિંગ થશે
અહેવાલો અનુસાર, આ તમામ કલાકારો 27 મેની આસપાસ શોના શૂટિંગ માટે કેપટાઉન જવા રવાના થશે. આ વખતે શોનું શૂટિંગ કેપટાઉનમાં જ થશે. લેટેસ્ટ રિપોર્ટ્સ અનુસાર અહીં લગભગ 55 દિવસ સુધી શૂટિંગ ચાલશે. એવું પણ કહેવામાં આવી રહ્યું છે કે કેપટાઉન જતા પહેલા તમામ સ્પર્ધકોને થોડા દિવસો માટે ક્વોરેન્ટાઈન પણ કરવામાં આવશે.
વાંચો: આશારામ 3નું ધમાકેદાર ટ્રેલર રિલીઝ, બોબી દેઓલના ચાહકોએ કહ્યું- હવે બધાનું શુદ્ધિકરણ થશે